Supportkocani.com: Донации за повредените во трагедијата во Кочани
Оваа страница содржи информации за индивидуалните сметки на децата повредени во трагедијата што го погоди Кочани. Сите податоци се објавени со доброволна согласност од родителите или нивните роднини.
Како да донирам?
При донирање, користете го кодот 562 кој е за донации. По донацијата, ве молиме приложете слика од вашата донација како доказ за успешна трансакција.
Зошто?
Ова ни овозможува да ја евидентираме донацијата и да покажеме колку средства се собрани за секое дете, за да помошта оди таму каде што е најпотребна и да се обезбеди транспарентност.
Транспарентност
Собраните средства за секое лице ќе бидат објавени, за да помошта оди таму каде што е најпотребна. Податоците за износот на донации објавени за секоја сметка се базираат само на информациите испратени до нас од донаторите. Не можеме да гарантираме дека прикажаните износи се 100% точни бидејќи немаме целосен увид во сите уплати.
Прераспределба на средства
Доколку родител смета дека добил повеќе средства отколку што му се потребни, може да одлучи да го пренасочи вишокот кон друго повредено лице на кое му е потребна помош.
Странски донации
Во моментов, странските донации се можни само за лица со достапен IBAN и SWIFT код.
Заштита на приватност
Приватноста на сите донатори е загарантирана. Ќе биде објавен само износот на донацијата – без лични податоци.
