На 10 април во 12:30 часот, во Бугарскиот културно-информативен центар ќе се одржи едукативен саем во рамките на кампањата:
„CONTINUONS EN FRANÇAIS – ДА СТУДИРАМЕ НА ФРАНЦУСКИ ВО БУГАРСКИ УНИВЕРЗИТЕТИ“
На саемот ќе бидат претставени следниве бугарски универзитети со факултети и студиски програми на француски јазик:
- Факултет за француско образование по електроинженерство, Технички универзитет – Софија
- Програма по економија и менаџмент во Економскиот факултет, Софиски универзитет „Св. Климент Охридски“
- Програма Бизнис администрација во Економскиот факултет, Софиски универзитет „Св. Климент Охридски“
- Оддел за политички науки, Нов Бугарски Универзитет
- Оддел „Применети странски јазици за администрација и менаџмент“, Нов Бугарски Универзитет
- Магистерска програма „Франкофонија, повеќејазичност и меѓукултурна медијација“, Софиски универзитет „Св. Климент Охридски“
Ќе бидат претставени и можностите за студирање во Специјализираниот институт на Франкофонијата за администрација и менаџмент (СИФАМ), кој е институт на Универзитетската агенција на франкофонијата, основан во 1996 година во Софија врз основа на меѓународен договор со Република Бугарија.
Едукативниот саем на 10 април се организира со поддршка на Амбасадата на Бугарија и Бугарскиот културно-информативен центар – Скопје, во партнерство со Францускиот институт – Скопје.
Кампањата „Continuons en français – да студираме на француски во бугарски универзитети“ е организирана во Бугарија од:
- Националната канцеларија на Универзитетската агенција на франкофонијата – Бугарија
- Асоцијацијата на професори по француски јазик
- Франкофонските програми на бугарските универзитети
- Министерството за надворешни работи
- Министерството за образование
- Француско-бугарската трговска и индустриска комора
- Амбасадата на Франција во Софија
- Францускиот институт во земјата
- и други
Целта на кампањата е да им ги претстави на младите можностите за добивање квалитетно високо образование на француски јазик во Бугарија и за студирање на наведените универзитети и студиски програми.
