Фондација „Единство“ од Кочани ги израдува најмалите со новогодишни и Божикни пакетчиња по повод празниците

Фондација Единство од Кочани, за поредна година додели пакетчиња на дечињата од детската градинка „Кокичиња“ во населба Оризари, клон на Детската градинка „Павлина Велјанова“, јавуваат од фондацијата.

„Овој хуманитарен настан е традиционален и има за цел да донесе радост и топлина на најмладите, особено во празничниот период. Пакетчињата содржат различни подароци кои ги радуваат децата и придонесуваат за нивниот развој и благосостојба. Фондација „Единство“ од Кочани, по повод Новата година и Божик, им упатува најсрдечни честитки на сите граѓани. Нека овие празници донесат радост, љубов, мир и здравје во вашите домови“, стои во објавата на Фондацијата на социјалната мрежа Facebook.